2019/07/06

චිකාගෝ බුල්ස් ධවල මන්දිරේ හැදුව හැටි

ධවල මන්දිරයේ කැඩුණු වැටක් හදන්න කොන්ත‍්‍රාත්කරුවන් 03  දෙනෙක් කැදෙව්වා. එකෙක් ටෙක්සාස් වලින් , අනෙකා කැලිෆෝනියා  සහ අන්තිමයා ඇවිත් තිබුණේ චිකාගෝ වලින්. තුන්දෙනා වරින් වර කැඩුණු වැට සමීපයට ගිහින් ධවල මන්දිරයේ නියෝජිතයා සමග ගනදෙනු කතා කෙරුවා.



ටෙක්සාස් පුතයා පරණ ගොවිපොළක අයිතාකාරයෙක්. මිනිහා මැනුම් පටියක් එහෙම අරගෙන ගිහින් , තනි ඇහැට තියලා ,හතර අතට මැනලා කරලා තමන්ගේ ගාණ කිව්වා.

‘‘ ඩොලර් හත්සීයයි. තුන්සීයයක් බඩුවලට, තව තුන්සීයයක් මගේ මිනිස්සුන්ගේ පඩි නඩි. ඉතිරි සීයය මගේ ලාබේ. ’

නියෝජිතයා මුකුත් නොකියා හිස වැනුවා.
ඊටපස්සේ ආවේ කැලිෆෝනියා මෑන්. අලූත්ම තාක්ෂණික උපකරණයකින් තම මැනුම් කටයුතු කරපු පොර තමන්ගේ ගාණ කිව්වා.

’‘ ඩොලර් පන්සීයයි. මගෙ චිනිස්සුන්ට දෙසීයයි. බඩුවලට යන ගණණ දෙසීයයි. මගේ ලාබේ ඩොලර් සීයයි. ’’

අන්තිමට ආවේ චිකාගෝ වලින් ආපු කෝට්කාරයා.
‘‘ ගාණ දෙදාස් පන්සීයයි.’’
 හදන්න තියෙන වැට දිහා බලන්නෙවත් නැතිව පොර කිව්වා. ධවල මන්දිරේ නියෝජිතයාට අසූහාරදාහට නැග්ගා.

‘‘ඔහේ කොහොමද වැට දිහා බලන්නෙවත් නැතිව මෙහෙම ගාණ කියන්නේ.. මේක හරි කෙළියක්නෙ හලෝ..’’

‘හරි, හරි මෙහෙමයි වෙන්නේ. මේකේ මගේ ලාබේ ඩොලර් දාහයි. අනෙක් දාහ ඔහේට ’

‘‘එතකොට ඉතිරි ඩොලර් පන්සීයය..?

ඒක අපි කැලිෆොනියා කාරයට දීලා මිනිහට වැඬේ භාරදෙමු.

2019/07/04

මහනුවර රජුගේ ආරක්ෂාව භාරව සිටි විශේෂ බලකාය ‘මහඅතපත්තුව’

මහනුවර යුගයේදී උඩරට රජු ආරක්ෂා කිරීමට විශේෂ පෞද්ගලික භට කණ්ඩායමක් පළමුවන රාජසිංහ රජුගේ සමයේ පටන් ක‍්‍රියාත්මක වූ අතර එම විශේෂ බලකාය හැදින්වූයේ මහඅතපත්තුව යන නමින්.

රජුගේ විශ්වාසවන්තම රදළයින්ගෙන් සැදුම්ලත් මේ පෞද්ගලික ආරක්ෂක බලකාය උඩරට රාජධානිය ඉංග‍්‍රීසීන් යටත් කරගන්නා තෙක්ම පැවති අතර නායාක්කාරවංශික රජවරුන් උඩරට පාලනය කරන්නට පටන්ගත් පසුව මෙම විශේෂ ඒකකය රජුගෙන් තරමක් දුරස්වූ බැව් පෙනෙයි.

උඩරට කිරීටයට අතීතයේ පටන්ම ලැදිව කටයුතු කරනු ලැබූ මොල්ලිගොඩ, ඇහැළේපොල , පිළිමතලව්වේ වැනි දිසාවන්ගේ ප‍්‍රභූ පවුල්වල ශක්තිමත් තරුණයින් මහඅතපත්තුවට ඇතුළත් වූ අතර මරුවල්ලිය සහ සුදලියේ පරම්පරාවන්ටට අයත් අංගම් සටන් ගුරුන්ගෙන් විශේෂ සටන් පුහුණුවක් ලබන්නටත් මෙම මහඅතපත්තුවට අයත් රජුගේ ශරීරාක්ෂකයින් ට හැකියාව ලැබී තිබෙනවා. 

එම නිසාම උඩරට රාජධානි සමයේ රදළ වංශික තරුණයින් තුළ මහඅතපත්තුවට ඇතුළත් වීමට මහත් තරඟයක් තිබී ඇත්තේ මහඅතපත්තුවට සීමිත සෙබළුන් ගණනක් පමණක් ඇතූලත් කරගැනීම නිසායි.

කෙසේ වෙතත් මහනුවර රාජධානියේ අවසාන භාගයේදී මෙම මහඅතපත්තුව සහ රජු අතර සම්බන්ධතාවය පළුදු වී ගොස් තිබූ අතර අවාසාන රජු වශයෙන් සැලකෙන ශ‍්‍රී වික‍්‍රම රාජසිංහයන් බි‍්‍රතාන්‍යයන් ට හැකිළි බැද ගෙන යන්නට ඉඩ පහසුව සැලසුණේත් මහඅතපත්තුවේ ආරක්ෂාව ඔහුට නොලැබුණු නිසා බවයි කියවෙන්නේ.

-ජනප‍්‍රවාද සහ ඉතිහාස ග‍්‍රන්ථ ඇසුරෙන් * 

2019/07/03

දේශපාලකයින් ව භූමදානය කළ ගොවියා

දිනක් නිරීක්ෂණ චාරිකාවකට සහභාගී වූ දේශපාලකයින් කණ්ඩායමක් ගමන්ගත් බස්රියක් පාලු ප්‍රදේශයක වූ පර්වතයක ගැටී අනතුරට පත්වුණා.
එම අනතුර දුටුවේ එම ප්‍රදේශයේ ගොවිපළක් පවත්වාගෙන ගිය එකම එක ගොවියෙක් පමණයි. ඔහු අනතුරට පත් බස්රියේ සිටි සියලුම පාර්ලිමේන්තු මන්ත්‍රීන්වරුන් ව භූමදානය කළා.


ටික දිනකට පසුව පරීක්ෂණ කණ්ඩායමක් පැමිණ පරීක්ෂණ ආරම්භ කළ අතර ගොවියාගෙන් ද ප්‍රශ්න කළා. තමන් මන්ත්‍රීන්වරුන්ව ගෞරවාන්විතව භූමදානය කළ බව ගොවියා පැවසුවා. ''ඔවුන් සියලු දෙනාම මියගොස් සිටීම නම් ඛේදනීයයි ''
පරීක්ෂණ කණ්ඩායමේ නායකයා පැවසුවා. '' ඇත්තටම සමහර දෙනෙක් නම් පැවසුවා තමන් තවමත් මියගොස් නැති බව. නමුත් ඉතින් දේශපාලනඥයින් කියන දේවල් විශ්වාස කරන්නේ කොහොමද ? '' ගොවියා පැවසුවා --------------------------------------------------------------------------- පසු සටහන. එම අනතුර සිදුවූයේ ලංකාවේ නම් , එම ගොවියා තමන් වූවානම් ඊට වඩා සතුටක් නැතැයි සිතන අය බොහෝ දෙනෙක් හිදීවි.

2019/06/28

යට ඇදුම් මාරු කිරීමේ ප්‍රතිපත්තිය

විධායකය අවසන් කරන්නට පොරොන්දු වී පැමිණි 
 අපේක්ෂකයින් ගැන උපමා කතාව

ඇමරිකානු මැරීන් බලකායේ ලුතිනන්වරයෙක් තම කණ්ඩායම නිතර පරීක්ෂා කරන්න⁣ට පුරුදුව සිටියා. දිනක් තම කණ්ඩායම පරීක්ෂා කළ ලුතිනන්වරයා කාණ්ඩය බාර සාජන්වරයාට පැමිණිලි කලේ සෙබළුන් ගෙන් වස නරක ගඳක් දැනෙන බව පවසමින්.

''වහාම සියලුදෙනාගේම යට ඇදුම් මාරු කරන්න"

'' මම පොරොන්දු වෙනවා සර් මම යට ඇදුම් මාරුකරවන්නම් වහාම" කණ්ඩායම් සාජන් පොරොන්දු වූවා.




නමුත් තවත් දින කිහිපයකින් ලුතිනන්වරයා පැමිණ පරීක්ෂා කරනවිට අර ගඳ එලෙසමයි .

" මම සියලු දෙනාගේම යටඇදුම මාරුකෙරෙව්වා සර්, නමුත් මම නැවතත් ඉතාම වගකීමෙන් මේ කාර්‍යය කරවන්නම් " සාජන්වරයා නැවත පොරොන්දු වූවා.

තවත් දින කිහිපයකින් නැවතත් ලුතිනන්වරයා බට කාණ්ඩය පරීක්ෂා කරන විට තත්වය පරණ පුරුදු ලෙසින්ම තිබුණා. මහත් කෝපයට පත්වූ ලුතිනන්වරයා කණ්ඩායම් භාර සාජන්වරයා කැඳෙව්වා.

" තමුන්ට මේ වගේ පොඩි දෙයක්වත් කරගන්න බැරිද සාජන්. අනිත් එක තමුන් මට මේ ගැන පොරොන්දු වුණා. "

" සර් , මම පොරොන්දු වුණු විදිහටම යට ඇදුම් මාරු කෙරෙව්වා " සාජන්වරයා පිළිතුරු දුන්නා.

" මාරු කෙරෙව්වා නම් , තාමත් ගඳ ගහන්නේ කොහොමද සාජන්. මට කියනවා තමුසේ කොහොමද මේ වැඩේ කෙරෙව්වේ."

" සර්, මම ජෝන් ගේ යට ඇදුම විල්සන්ට මාරු කරා, විල්සන් ගේ එක පීටර් ට, පීටර් ගේ යට ඇදුම ස්මිත්ට අදින්නෙයි කිව්වා. ස්මිත් ගේ එක සැමුවෙල් ට, ඔන්න ඔය පිළිවෙලට හැමෝගේම ඇදුම් මාරු කෙරෙව්වා මම. "

සාජන්ගේ කතාව ඇසූ ලුතිනන්වරයා හිස අත්ගසා ගත්තා.
--------------------------------------------------------------

මේ කතාවේ යටිපෙළ අරුත, හරියට සිස්ටම් එක වෙනස් කරන්නම් කියා අපෙන් චන්දය ඉල්ලන්නට පැමිණෙන දේශපාලකයින්ගේ නිරුවත පෙන්වා දෙනවා වැනි දෙයක්. සිස්ටම් මාරු කරන්නට පැමිනෙන උන් කරන්නේ පරණ උන්ගේ යටඇදුම ඇදගෙන උන්ගේ වගේ ඉන්න එකයි. කුණු ගඳ ගැසීමේ කෙළවරක් නැහැ. අපිත් නහය වහගෙන ඉවසාගෙන ඉන්නවා.

2019/04/22

ආදරණීය තම්බියා , මගේ අනෙක් පංගුව

මහ සිකුරාදා රාත‍්‍රියේ නිදාගන්නට යනවිටත්, ඊට පසු සෙනසුරාදා දවසේත්.., මගේ අසල්වැසියා මගේ මුස්ලිම් සහෝදරයා වූයේය....,
නමුත් දැන් මගේ සිතුවිලි සන්තානය වෙනස් වී ගොස් ඇති බැව් නොකියා බැරිය. කලින් මගේ සහෝදරයා දැන් මොකාදැයි මෙහි සටහන් කළ නොහැකිය.
සිංහල අප කවදත් මුස්ලිම්වරුන් වෙත සුහදත්වයේ දෑත් දිගු කරමින් ඔවුන් අපේ අනෙක් පංගුව ලෙසින් පිළිගනිමින් කටයුතු කළේය.
 

කොටි ත‍්‍රස්තවාදීන්ට එරෙහි දිගු වෙහෙසකර සටනේදී , සටනේ මහ සෙනෙවියන් සමඟ උරෙනුර ගැටුණු කර්නල් මුතාලිෆ් ගේ නාමය සිංහල මහා සමාජයේ හද ගැහෙන තැන සැමදාම රැදුණේ ය.
 

වෙසක් මල්  පිපෙන වෙසක් මාසයේ බෙග් මාස්ටර් බුද්ධං සරණං ගච්ජාමී යැයි ගයන ලවුඞ්ස්පීකර් ගැට නොගැසුණේ මොන පන්සලේද, මොන තොරණ අසලද ?
 

ෆර්වේස් මහරුෆ් හත්වෙනි , අටවෙනි කඩුල්ල ලෙස පැමිණ හයේ ඒවා නෙළනවිට විසිල් වැදුණේ මූ තම්බියා යැයි සිතා නොවේ.
 

මත්කුඩු මාෆියාව වළදමන්නට නම් ලතීෆ් නැවත කැඳවිය යුතුයැයි විවාදයකින් තොරව සිංහල මහ සමාජය එහෙම පිටින්ම පිළිගත්තේය.
 

මහරගම පිළිකා රොහලට පෙට් ස්කෑනරය ගන්නට මුල්වූ මොහමඞ් මහතා ට තවමත් අපේ ගරු බුහුමන්වලින් අඩුවක් නොමැත්තේ ය.
 

සිංහලේ යැයි වාහන ස්ටිකරයක් ඇලවෙන විට මුලින්ම සිත රිදුණේ අපගේය. 

මගේ මුස්ලිම් මිතුරෙකු සමග ගමනක යෙදෙන විට සිංහලේ ස්ටිකරය මේකා දුටුවහොත් මට මාර අවුල් නොවේදැයි සිතමින් වින්ද අපහසුව ...?
 

මොහොමඞ්, රාම්සාන්, රිම්සාන්, යාසීන්, රිස්වාන් යෙහියා, නයිරූස්, මින්හාන්, අජ්මීර්, හබීබ්  මගේ සහෝදරයනි,
නුඹලා විරිත්තන විටත්, සූරන විටත්, කොනිත්තන විටත්, මිරිකන විටත්, හපන විටත් අප නිශ්ශබ්දව සියලූ වේදනා දරා සිටියේ ඇයිදැයි යාන්තමින්වත් සිතුවාද..ඒ නුඹලා අපගේ අනෙක් පංගුව නිසයි.
නැතිව එය අපේ යටහත් පහත්කම හෝ බයාදුකම නොවෙයි.
එය අපගේ ශක්තිවන්තකමයි. දරා සිටීමේ හැකියාවයි. අවසානයේදී නුඹලාට තිබූ ආදරයයි.

නමුත් දැන් නුඹලා මරන්නට ත්  පටන්ගෙන තිබේ.

දැන් අප කළයුත්තේ කුමක්ද.....?
මේ සියල්ල කරන්නේ සුළුතරයක් බව නුඹලා පවසාවී. නමුත් ඒ සුළුතරය සිටින්නේ නුඹලා අතරය.
ආරක්ෂිත හිස්වැසුම් නොමැතිව ඇදෙන යතුරුපැදියකට දඩ කොළයක් දෙනවිට,    සියගණනින් රැුස්වී පොලිස් නිලධාරීන්ට පවා පහරදෙන්නට උත්සාහ කරන නුඹලාට අර මිලෙච්ජ නීචයන්ට විරුද්ධ වන්නට එසේ එක්රැුස් වන්නට නොහැක්කේ ඇයි...?
 

මොට්ටකිලි සාරිය වෙනුවට බුර්කාව පළදින මිනිසුන්ට විරුද්ධ වීම ඇරඹිය යුත්තේ අප නොවේ නුඹලා යි.
මඩකලපු සරොම සහ තම්බි තොප්පිය වෙනුවට මුළු සිරුරම වැසෙන ජම්පරයන්ට විරුද්ධ විය යුත්තේ අප නොවේ නුඹලායි.
ඉස්සර අපේ ගෙවල් වලින් බත් කන්නට පෙර හලාල් ගැන නොවිමසූ බව නුඹලාගේ දරුවන්ට ඉගැන්විය යුත්තේ අප නොවේ නුඹලා යි.
සිකුරාදා පල්ලි දවසට පාරේ එක පැත්තක වීනීතව ගමන් කිරීමට පුරුදු විය යුත්තේ අප නොවේ නුඹලායි.
නිවෙස් ගාණේ කාණ්ඩ වශයෙන් ගොස් රටේ මහසමාජය සමඟ සංස්කෘතික සම්ප‍්‍රදායන් රැකගෙන ජීවත්විය යුත්තේ කෙසේදැයි ඉගැන්විය යුත්තේ නුඹලා යි. 

සිංහලේ, බොදුබල සේනා , රාවණා බලය එනවිට උගුර ලේ රහවෙනකම් කෑ ගසා ඒවාට විරුද්ධ වූයේ අප මිස තොපි නොවේ.., ඒ අපේ ඉත්තෑවෙක් දිවූ නිසා නොව තොපි ගැන තිබූ කැක්කුමයි.
දැන් තව්හිද් ජමාද්ලා සිටී නම් ඉන්න තැනකින් උන් සොයා පාරේ ඇදගෙන ආ යුත්තේ අප නොවේ නුඹලායි.
මේ බුදුන්ගේ දේශයයි.
අසල්වැසියා ට පේ‍්‍රම කරන්නයි කියනා මිනිසුන් ඉන්නා රට යි.
මේ පුංචි රටෙ මාෂා අල්ලාහ් යැයි බෝඞ්ගසා ගත්තාට අපේ තරහක් නැත.
නමුත්,
පේ‍්‍රමය දී  මරණය වැළදගන්නට ද අපේ කැමැත්තක් නැත.
එතැනදී මරණය වෙනුවට යුද්ධය තෝරාගන්නට අපේ කැමැත්තක් ඇත.

2016/09/29

සැබෑ ඞී. ඇස් අවතාරය මෛත‍්‍රී නොව මහින්දයි.

ටැමිල් නෙට් වෙබ් අඩවියට අනුව මහාමාන්‍ය ඞී. ඇස් සේනානයගේ පුනරුත්පත්තිය බවට පත්ව කටයුතු කරන්නේ ජනාධිපති මෛත‍්‍රීපාල සිරිසේනයි. ඒ නැගෙනහිර  ඉඩම් රජයට පවරා ගනිමින් නැගෙනහිර  ද්‍රවිඩයන්ගේ ඉඩම් අයිතිය උදුරා ගනිමිනි. ජනාධිපතිවරයාගේ අනුදැනුම සහිතව ද්‍රවිඩයන්ට හිමි ඉඩම් සිංහල ජනපද පිහිටුවීම සඳහා රජය කටයුතු කරන්නේ ගල්ඔය ජනපද ව්‍යාපාරය හරහා ඞී.ඇස් සේනානයක නැගෙනහිර ද්‍රවිඩයන්ගේ ඉඩම් මංකොල්ල කෑ අයුරින්ම බව ටැමිල්නෙට් පවසයි. 
ටැමිල් නෙට් මේ පුවත පාදක කොට ගනිමින් අද ‘මව්බිම ‘ පුවත්පතට දේශපාලන විග‍්‍රහය ලියන උපුල් ජෝෂප් ප‍්‍රනාන්දු මෛති‍්‍රපාල සිරිසේන ජනාධිපතිවරයා පිළිබඳව අතිශයෝක්ති වර්ණනාවන යෙදෙමින් මෛත‍්‍රී හීන් නූලෙන් ඞී. ඇස් සේනානයක පරිදි කටයුතු කරමින් සිටින බව පවසන්නේ ය.

නමුත් යථාර්තය නම් දේශපාලනික කැරිස්මාව අතින් ගත් කළ ඞී. ඇස් සේනානායක වඩාත් ළංවන්නේ මෛත‍්‍රීට නොව මහින්දටයි. ඞී. ඇස් දේශපාලනයට පිවිසෙන්නේද පවුල් කාටරයේ බල මහිමය නිසා වන අතර, මහින්ද ද අද ඔහුගේ පුත‍්‍රයා ලෙසින් ම දේශපාලනයට පිවිසෙන්නේ පියා ගේ අනුප‍්‍රාප්තික යා වශයෙනි. සේනානයක පවුලේ දේශපාලන ගමනක නිරත වීමට වඩාත් සුදුසුකම් සහිතව සිටියේ විදේශ අධ්‍යාපනයක් ලබා, පිබිදෙන නවීන ලෝකයේ දේශපාලනික ක‍්‍රියාකාරකම් පිළිබඳව සවිඥ්ඤානික ව සිටි ‘ ලන්ඩන් ජෝන් ’ නමින් හැදින්වූ ඇෆ්. ආර් සේනානායකයි. නමුත් පුද්ගල කැරිස්මාව අතින් පවුලේ රස්තියාදුකාරයා ලෙසින්  ‘කැලෑ ජෝන් ’ යන අන්වර්තයෙන් පවුල තුළ හැදින්වූ ඞී. ඇස් , ඇෆ්.ආර් අයියාට වඩා ඉදිරියෙන් සිටියේය. 


රාජපක්ෂ පවුල තුළද දේශපාලනික පරිණත කමින් ඉදිරියෙන් සිටියේ මහින්ද ගේ වැඩිමහල් සොහොයුරා වූ චමල් වූවත්, පුද්ගල කැරිස්මාව අතින් පවුලේ දෙවැනි පුත‍්‍රයා වූ මහින්ද ඉදිරියෙන් සිටියේය. 1967 ඞී. ඒ රාජපක්ෂ මිය යන්නේ ශී‍්‍රලනීප ආණ්ඩු දෙකක පාර්ලිමේන්තු මන්ත‍්‍රීවරයෙකු වශයෙන් සිටි නමුත්, කැබිනට් ඇමති ධුරයක් නොලබමිනි. 56 බණ්ඩාරනායක ආණ්ඩුවෙන් ඞී.ඒ ට ලැබෙන්නේ නියෝජ්‍යය ඇමති ධුරයකි. 1960 සිරිමා ආණ්ඩුවෙන් ඔහුට ලැබෙන්නේ නියෝජ්‍යය කථානායක ධුරයයි. එජාපයෙන් වෙන් වී යන බණ්ඩාරනායක සමඟ පාර්ලිමේන්තු වේ අනෙක් පසෙට ගමන්ගත් මන්ත‍්‍රීවරුන් පස්දෙනා අතර ඞී.ඒ ද සිටි නමුත් බණ්ඩාරනායකවරුන් ගේ කෘතගුණය නම් ඔහුට ලැබී නැති බැව් ඉතා පැහැදිලිය. ඊට හේතු පාදක වන කාරණා පිළිබඳව වෙනම සොයා බැලිය යුතු වෙයි.
                                                                                                             කෙසේ වෙතත් මෙවැනි තත්වයන් මත වුවත් 1970 මහමැතිවරණයට බෙලිඅත්තෙන් ශ‍්‍රීලනිපය වෙනුවෙන් තරග කරන මහින්ද එම අසුන ජයගන්නේය. නමුත් 1976 මැතිවරණයත්, 1983 අතුරු මැතිවරණයත් මහින්ද පරදින්නේය. කෙසේ වෙතත් මේ සියලූ බාධක මැඩගෙන ඉදිරියට ඒමේ පුද්ගල හැකියාවක් මහින්ද ට වූයේය. මේ ලෙසින්ම එවකට රාජ්‍ය මන්ත‍්‍රණ සභාවේ වඩාත් බලවත් ම මෙන්ම සිංහල බෞද්ධයන්ගේ පිළිගත් නායකයා වූයේ ඞී.බී ජයතිලකයි. ඔහුගේ කීර්තියෙන් සහ බලයෙන් ඞී.ඇස් ගේ ප‍්‍රතිරූපය වැසී ගොස් තිබුණු නමුත් මහින්ද රාජපක්ෂ 2001 වනතුරු කල්මැරුවාක් මෙන්ම ඞී. ඇස් ද තම අවස්ථාව එනතුරු කල්මැරුවේය. දෙදෙනාටම කාගෙන සිටීමේ හැකියාව තිබිණි.  
                                                                                                     එමෙන්ම අගමැති ධුරයට පත්වූ පසුව ඞී. ඇස් විසින් දියත් කරන ලද ගොවි ජනපද පිහිටුවීමේ මහා ව්‍යාපෘතිය රටේ ඞී.බී ජයතිලක වෙත තිබූ පොදුජන පිළිගැනීම සහ කීර්තිය ඔහු වෙත ළගා කර දුන් එකක් විය. මහින්ද රාජපක්ෂ ටද යුධ ජයග‍්‍රහණයෙන් පසුව එම පිළිගැනීම සහ කීර්තිය ඒ ආකාරයෙන්ම ලැබුණු නමුත් එය නිසි පරිදි කළමණාකරණය කරගැනීමේ හැකියාව මහින්ද ට නොතිබිණි. එසේ නොවූවා නම් අදද ගොවි ජනපදවල ඞී.ඇස් සේනනායකට බත් දුන් දෙවියන් වශයෙන් ලැබෙන පිළිගැනීම, අර චිරාගත දියසේන කුමාරයාගේ පුරාණෝක්තිය මහින්ද ට ආරූඪ කොට ඔහුටත් ඔහුගේ පවුලටත් සදාතනික කීර්තියක් ලැබ ගන්නට තිබිණි. එසේ වූවා නම් ටැමිල් නෙට්ලාත්, උපුල් ජෝෂප්ලාට ත් මෛති‍්‍රපාල සිරිසේන ජනාධිපතිවරයා ඞී. ඇස් ගේ අවතාරයක් යැයි කියන්නට ඉඩක් ලැබෙන්නේ නැත. 

2016/09/28

හර්තාලය අපට නොවේ නුඔලාටමයි සහෝදරවරුනි...,

ප‍්‍රජාතන්ත‍්‍රවාදියෙක් වූ විග්නේෂ්වරන් මහ ඇමතිවරයා ජාතිවාදියෙක් වීම සමාජ පරිවර්තන ක‍්‍රියාවලියක් බැව් අගවන්නට හිටපු ‘‘ ප‍්‍රජාචන්ච‍්‍රවාදීන් මහත් උත්සාහයක් දරමින් සිටියි. නමුත් සත්‍යයට වඩාත් කිට්ටු දේ නම්, උතුරේ පසුගිය දිනෙක දක්නට ලැබුණු හර්තාලය හුදු පුද්ගල ඇජෙන්ඩාවන් ඉටු කරගැනීමේ බිලි බෝයිස් පන්නයේ කටයුත්තක් බවයි. නඩුකාර හාමුදුරුවන් කෙනෙක් වී සිටි සී. වී විග්නේෂ්වරන් මහතා හට තම සමාජ තත්වයන් ඒ විලාසයෙන්ම පවත්වාගනිමින් රටේ ජාතික නායකයකු වීමේ උවමනාව සපුරා ගැනීම සඳහා දෙමළ ජාතිවාදය කරපින්නා ගනිමින් සිටියි. 


දෙමළ දේශපාලනික නායකයින් ට රටේ මහා දේශපාලන සම්ප‍්‍රදාය තුළ සිටිමින් ජාතික නායකත්වයට ළංවීමටවත් නොහැකි බැව් නීලන් තිරුචෙල්වම්, ලක්ෂ්මන් කදිරගාමර්, ජෙයරාජ් ප‍්‍රනාන්දුපුල්ලේ  ආදීන් ධාරාව තුළ ඔප්පු කොට ප‍්‍රත්‍යක්ෂ කොට තිබේ.  ජාතික නායකත්වටය සමාන පටිතයන් තුළ කටයුතු කළ හැක්කේ මහ ජාතියට එරෙහි දෙමළ අන්තවාදය පෝෂණය කිරීමෙන් පමණක් බැව් ඓතිහාසිකව පෙන්නුම් කර තිබෙන සත්‍යයකි.
නඩුකාර හාමුදුරු තත්වයෙන් පහළට වැටෙන්න ට අකැමැති වැඩවසම් මානසික තත්වය මොනවට ඔප්පු කරමින් අතළොස්සක් වූ දෙමළ අන්තවාදීන් හරහා බහුතර දෙමළ සමාජය කූට ආකාරයෙන් ගලග‍්‍රහණයට ගැනීමට විග්නේෂ්වරන් කටයුතු කරමින් සිටියි. ඒ බැව් පසුගිය සමයේ දෙමළ මහා සමාජයේ සාතිශය ජනප‍්‍රියත්වයක් අත්කරගනිමින් සිටි දෙමළ ජාතික සන්ධානය වැනි ප‍්‍රජාතන්ත‍්‍රවාදී දේශපාලන කඳවුරේ බහුතර පාර්ශවයන් ද තේරුම් ගනිමින් සිටිනු බැව් පෙනෙයි.
ඒ නිසා උතුරේ මෙවැනි හර්තාල් ගැන කලබල විය යුත්තේ සිංහල මහා සමාජය නොවේ. ගම්මන්පිල , වීරවංශ සහ අවශේෂ දේශපාලන අනාථයින් මේ පිළිබඳව කරන බොරු ඝෝෂාවන් ගැන සාකච්ජා කළ යුතුම නොවේ. මක් නිසාද යත් අඩු තරමින් ඔවුන් සැබෑ අන්තවාදීන් ද නොවන නිසාය. ඇත්තටම විග්නේස්වරන් ගේ දේශපාලනික හර්තාල ප‍්‍රදර්ශනය කරදර ඇති කොට ඇත්තේ බහුතර දෙමළ ප‍්‍රජාතන්ත‍්‍රවාදීන් ටය.
 ඒ නිසා සම්බන්ධන්ලාට සහ සුමන්තිරන් ලාට විග්නේෂ්වරන් සමඟ මේ ප‍්‍රශ්නය විසදා ගන්නට ඉඩදී අපි බලා සිටිය යුතු වෙමු.